Kung mapapansin nyo, marami sa ating mga nakasalamuha araw-araw ay mga taong ang gagaling sa kahit anong larangan sa buhay. Oo magaling talaga sila pero ang problema, karamihan sa kanila hanggang sa salita lang. Maraming taong mahilig mag comento ng hindi maganda sa isang bagay, kunwari naranasan na nila ito pero sa totoo hindi. Yon ang mga taong nagmamagaling para mapuri at feeling angat sa lahat.
Napakarami ng ganung klaseng tao. Kung hindi mo sila kilatisin akala mo ang lahat na sinasabi ay totoo pero sa likod pala nito ay pawang kasinungalingan lamang. Malamang meron kang kilalang tao na tulad nila, at hindi natin ka rin mapakali kung makasama mo sila sa laro, sa inoman o kahit sa simpleng usapan. Sila lagi ang bida sa lahat ng oras at gustong laging angat sa kahit anong uri ng pinag-uusapan ng tropa o magbabarkada.
Magkaiba yong may alam kay sa nagkukunwaring may alam. Maganda pakisamahan ang maraming alam kay sa yong nagkukunwari lang na may alam. Hindi na mabilang ang naging kakilala at kaibigan ko simula nong ako'y musmos pa lamang. Kahit maingat ako sa pakikisama ng mga ibang tao, hindi talaga maiiwasan makasama mo ang mga taong nagkunwaring maraming alam. Yong tipong, maraming naikwento sa isang topic na alam mo naman na hindi nya ito napagdaanan. Ang sa kanya puro kayabangan lamang.
Ang ganitong tao ay pwede mo makasama sa trabaho. Ito'y malaking hadlang sa lahat na gusto mong maabot kasi ito ay laging bumibida sa boss mo o sa mga kasamahan mo. Gusto nito ay laging center of attraction. Nakakapikon minsan pero kailangan mong pakisamahan. Mabuting wag mo nalang pansinin para ikaw ay kanyang lulubayan.
Isa sa pinaka ayaw ko sa ugaling ng mga maraming alam ay yong pag kinausap mo tungkol sa isang bagay, nagsasalita na ito ng patapos. Halimbawa nalang, pinakilala mo sa kanya ang isang produkto, hindi pa tapos ang iyong introduction hinarang kana nya at sinasabihan kana agad ng hindi maganda ang nabanggit na produkto dahil yon ang sinabi daw ng iba o yon ang nababasa nya. Ni hindi man lang nya nasubukan kung totoo ba ito o hindi. Ang sa kanya may nasabi sya at hindi pinapansin kung ito'y nakakapikon sa kausap nya dahil sa pagiging pagmamarunong nya.
Ang tao ay may kanya-kanyang ugali. Pero para sa akin, hindi porket hindi tayo pareho ng ugali at pag-iisip, ay pwede mo na akong aapakan para lang ikaw ay lumamang. Wag pilitin na maging sayo ang panahon, kung hindi naman naman talaga ito para sayo. Ang mabuti antayin mo ang oras na para sa iyo para maging masarap ang pakikiramdam mo.
