Lahat ng bagay ay merong starting point. Wala pangyayaring dumeretso sa kataposan na hindi dumaan sa umpisa. Maraming bagay na pwede nating ihambing sa ganitong scenario. Ang pinakahalimbawa nito ay ang tao, dumaan muna tayo sa pagiging fetus, naging bata, binata at saka naging matanda. Habang lumalaki tayo, marami tayong pinagdadaanan. Minsan madali pero kadalasan sobrang hirap. Ganun pa man, hito pa rin tayo, patuloy na nagsusumikap. Bata man o matanda kailangan nating maghirap para mabuhay. Hindi lahat ng kasiyahan ay nadadaan sa pera o sa kayamanan.
Marami namang mayayaman dyan pero hindi masaya. Marami ding mahihirap na kahit walang ulam pero kung pagmasdan mo sila, ang saya-saya nila. Hindi nasusukat ang kaligayahan sa estado ng bawat isa. Nagdi-depende pa rin ito sa bawat isa kung paano natin pinatakbo ang ating mga buhay. Ang buhay natin ay parang gulong, minsan nasa ibabaw, minsan din nasa ilalim. Walang bagay na buhay, ang nananatili mula umpisa hanggang ito'y natapos na. Ang buhay ay laging nagbabago.
Ang tagumpay ng isang tao ay hindi tulad ng isang magical event na sa isang iglap lang mangyayari na ang lahat ayon sa kagustuhan mo. Merong proseso ang tagumpay na gusto mong abutin. Walang tagumpay ang hindi dumaan sa hirap, minsan pa nga sobrang hirap ang pagdadaanan bago mo ito marating. Masarap lasapin ang tugatog ng inyong tagumpay pag napagdaanan mo halos lahat ng paghihirap. Maraming successful na mga tao ngayon, di natin alam ang karamihan sa kanila dumaan sa sobrang hirap. Maaaring isa lang ang alam natin, ang kanilang common denominator.... ito'y ang salitang PAGHIHIRAP.
Pinagdadaanan na nila lahat na hirap pero hindi pa rin sila nagpatinag. Lagi pa rin silang naka focus kung ano ang meron sa unahan kung sakaling nakayanan nila ang paghihirap sa daan. Oo, it really TAKES TIME pero worth it naman kapag narating mo ang tugatog ng iyong tagumpay. Ang hirap ay mararamdaman mo lang sa umpisa, pero pag nasanay kana, hindi mo na ito alintana pa. Kaya mo ng harapin maging ano paman yan, ang importante sayo ay makarating sa FINISHING LINE.
OK lang na mahihirapan ka sa mga sandaling panahon, wag ka lang maghihirap sa habang panahon. OK lang na maghihirapan ka, basta wag lang maghihirap ang mga anak mo bukas makalawa. OK lang na pagtawanan ka nila, basta nasa iyo pa rin ang huling tawa.
Ang buhay ay magulo, kadalasan hindi mo maintindihan ang ikot ng panahon. Maraming pagbabago, maraming nawala at marami ding dumating. Kung affected kaman sa dalawa, lagi mong tandaan - GOOD THINGS TAKE TIME!
